"ရေးမိရေးရာ"

သံသရာတကွေ့တစောင်းမှာ
ကံကြမ္မာ အလှည့်အပြောင်းနဲ့
တွေ့ကြုံရသူတိုင်းမို့
ဒိုင်ယာရီသာလျှင်
ရင်ဖွင့်ရာ တစ်နေရာဖြစ်ပါတယ်...
ကဗျာမဆန်တဲ့ ဘ၀မှာ
ကာရံမလိုက် သံစဉ်မကိုက်တဲ့
ရင်ခုန်သံ ခပ်မိုက်မိုက်တွေကို
အသေအချာခံစား အလွမ်းတွေပွားရင်း
ေ၀၀ါးထွေပြားနေတဲ့ အတွေးအစအန အချို့အား
စိတ်တိုင်းကျ ပြန်လည်ပုံဖော်ထုဆစ်လိုက်သောအခါ....
လောကမှာ လူရယ်လို့ ဖြစ်လာရင် မရှိမဖြစ်လိုအပ်တာတစ်ခုက မိသားစုပါ။ မိသားစုလို့ပြောရင် မိဘ၊ မောင်နှမတွေနဲ့ သာယာဖွယ်ကောင်းတဲ့ မိသားစုဖြစ်နိုင်သလို မိမိချစ်သူ၊ အိမ်ထောင်ဖက်နဲ့ အတူတကွပေါင်းစပ်ထားတဲ့ ကြည်နူးဖွယ်အိမ်ထောင်လေးတစ်ခုလည်း ဖြစ်နိုင်ပါတယ်။ ဒီလိုမျိုး အပြင်ကကြည့်တော့လည်း သာယာပြီး အတွင်းကလည်း အေးချမ်းတဲ့မိသားစုဘ၀တစ်ခုကို ထူထောင်ဖို့ အခြေခံလိုအပ်ချက်တွေလည်း အများအပြားရှိနေတတ်ပါတယ်။ လူဆိုတာ ပိုက်ဆံကြောင့်အသက်ရှင်နေတာမဟုတ်ဘူး၊ ခံစားချက်ကြောင့် အသက်ရှင်နေတာဆိုပေမဲ့ ငွေကြေးမရှိပဲ ပြည့်စုံတဲ့မိသားစုဘ၀တစ်ခုကို တည်ထောင်ဖို့ဆိုတာ အလွန်ခဲယဉ်းလှပါတယ်။ ငွေမရှိရင် လောကမှာဖြစ်ချင်တိုင်း မဖြစ်ဘူးမလား.. ဒီတော့ ကိုယ်လည်း ငွေကိုခုံမင်ပါတယ်။ လူ့ဘ၀က ခဏလေးပါဆိုပေမဲ့ အသက်ရှင်နေတဲ့ကာလအတွင်းမှာ ရိုးရိုးလေးနေချင်လား၊ ဆန်းဆန်းလေးနေချင်ပါသလား။ ရည်ရွယ်ရာ အိပ်မက်လမ်းကို ပြောပါဆိုရင် သမိုင်းကြောင်းကောင်းဖို့ တစ်ခုခုကိုလုပ်ချင်ပါတယ်။ ယုံကြည်ရာကတော့ သေခြင်းတရားပါ။ မြစ်တွေရဲ့ဆုံစည်းရာက ပင်လယ်ပြင်၊ လူသားတွေအတွက် အဆုံးသတ်က သေခြင်းတရားပဲ မဟုတ်ပါလား ....။

သြော်..လူ့ပြည်လောက လူ့ဘ၀ကား
အိုရ နာရ သေရဦးမည် မှန်ပေသတည်း
ငါသည်မုချမသွေ သေရမည်...

ဒါကြောင့် ခဏတာနေခွင့်ရတဲ့ လူသားဘ၀မှာ တန်ဖိုးရှိချင်ပါတယ်။ တန်ဖိုးရှိတဲ့လူသားတစ်ယောက်ဖြစ်ဖို့အတွက် ပြဌာန်းချက်တွေ အများကြီးရှိပါတယ်။ စံသတ်မှတ်ချက်အမျိုးမျိုးအတွက် တိုင်းတဲ့ပေတံတွေက အစုံအလင်ပါဘဲ။ ကြည့်တဲ့ရှုထောင့်တွေကွာရင် အမြင်တွေလည်း ပြောင်းလဲနိုင်ပါတယ်။ ရလဒ်ကတော့ ချီးကျူးသံတွေ၊ ကဲ့ရဲ့သံတွေ၊ အားပေးသံတွေ၊ ပြစ်တင်သံတွေ၊ အပြုံးတွေ၊ အမုန်းတွေ ပေါ့။ အမြင်တွေမတူတိုင်း ရန်သူမှမဟုတ်တာ။ ဒါပေမဲ့လည်း လူ့လောကကြီးမှာ အဖြူရောင်ဘ၀နဲ့ နေချင်တယ်ဆိုရင် ကိုယ့်ပတ်ဝန်းကျင်မှာလည်း အဖြူရောင်ဖြစ်နေမှရပါတယ်။ ကျွန်မဟာ အတ္တကြီးတဲ့လူသားတစ်ယောက် မဟုတ်ပေမဲ့ အတ္တတော့ရှိနေတယ်ဆိုတာ အကြွင်းမဲ့ဝန်ခံပါတယ်။ ဒါပေမဲ့ မိမိ၏ကိုယ်ကျိုးအတွက် မရိုးသားမမှန်ကန်သော နည်းလမ်းဖြင့်မည်သူတစ်ဦးတစ်ယောက်ကိုမျှ ထိခိုက်နစ်နာအောင် မလုပ်ခဲ့ပါဘူး။ ကျွန်မဟာ ယုံကြည်ရာအိပ်မက်လမ်းကို ရောက်အောင်သွားဖို့ ဆက်လက်ချီတက်နေဆဲပါ။ အမိတိုင်းပြည်အတွက်လည်း အုတ်တစ်ချပ်သဲတစ်ပွင့် ဖြစ်ချင်ပါတယ်။ အုတ်တံတိုင်းကြီးနဲ့ သဲမုန်တိုင်းကြီးတော့ မဖြစ်ချင်ပါဘူး။ မသေခင် လောကကြီးအတွက် ဘာတွေလုပ်ခဲ့ပြီးပြီလည်း ဆိုတာစဉ်းစားရင်း... တန်ဖိုးရှိတဲ့ အချိန်တွေကို အကျိုးရှိစွာ အသုံးချချင်ပါတယ် ...။

အတိတ်ဘ၀က ငါ
အခုရုပ်နဲ့ မဟုတ်ခဲ့တဲ့ ငါ
အခုစိတ်နဲ့လည်း မဟုတ်ခဲ့တဲ့ ငါ
သူစိုက်ပျိုးခဲ့သမျှ ငါရိတ်သိမ်းနေရ..

နောက်ဘ၀ ဖြစ်မဲ့ငါ
ဝှက်ဖဲတစ်ချပ်ဖြစ်နေတဲ့ငါ
အခုရုပ်နဲ့ မဟုတ်တော့မဲ့ငါ
အခုစိတ်နဲ့ မဟုတ်တော့မဲ့ငါ
ငါမမှတ်မိတော့မဲ့ ငါ့မှာ
ငါနဲ့ တူတာ ဘာကျန်ဦးမလဲ..

အခုလက်ရှိငါ
ငါသန်းပေါင်းများစွာထဲက ငါပေါ့..

အသက်ရှင်ရတာလွယ်ပေမဲ့ အသက်ရှူရတာခက်တယ်။ ဒီလိုပဲလေ. အခက်ခဲ အကြပ်အတည်းတွေဆိုတာ ပစ္စုပန်မှာတွေ့ကြရမှာပဲ။ ဒီကြားထဲကပဲ အနာဂတ်ကို တည်ဆောက်ကြရမှာ မဟုတ်လား။ လူတွေမှာ ကိုယ်လုပ်ချင်တဲ့ဆန္ဒရှိရာကို လုပ်ပိုင်ခွင့်ရှိကြပါတယ်။ ဒါပေမဲ့ ကိုယ်ဘာလုပ်လ၊ဲ ဘာအတွက်လုပ်လဲ နားလည်သိဖို့လိုတာပေါ့နော်။ လက်တွေ့ဆန်တဲ့ လောကကြီးမှာ လူတွေဟာတစ်ယောက်ကိုတစ်ယောက် လောဘ ဒေါသ မောဟ တွေနဲ့ မုဆိုးချောင်းချောင်းနေတာတွေ၊ မာယာတွေနဲ့ ခြေချင်းလိမ်နေတဲ့ ဆက်ဆံရေးတွေ၊ အသွား အပြန်ဆန်တဲ့ ကူညီမှု့တွေ၊ ခရီးသွားဟန်လွဲ ဖိတ်ခေါ်မှု့တွေ ၊ ချော်လဲရောထိုင် ပျူငှာမှု့တွေ၊ အပေါ်ယံ စည်းလုံးမှု့တွေနဲ့ သင်းကွဲနေတဲ့ စိတ်ဓါတ်တွေ၊ အသက်မပါတဲ့ သွေ့ခြောက်ခြောက် အပြုံးတွေ။ အင်း လူ့စိတ်ဆိုတာကလည်း အချိန်နဲ့ အမျှ ပြောင်းလဲနေတဲ့ အီကွေးရှင်း တစ်ကြောင်းလိုပါလား။ ဒီလိုပါဘဲ လောကမှာ ကိုယ့်ဆန္ဒမပါဘဲ လုပ်နေရတာတွေ အများကြီးရှိတာကိုး။ တစ်ခါတစ်ရံ ကိုယ်ကိုယ်တိုင်လည်း ဖြစ်သွားတတ်တာပဲလေ။ တစ်ခုပေးမှတစ်ခုရတဲ့ လောကကြီးမှာ၊ ဘယ်သူမှ အလကားနေရင်းနဲ့ ကိုယ့်ကို အလိုမလိုက်ပါဘူး။ ဘယ်ကိစ္စမဆို အလျော်အစားဆိုတာရှိတယ်လေ။ ဒီခေတ်ကြီးမှာ ရစရာမရှိပဲနဲ့ ဘယ်သူမှ စေတနာမထားဘူးမလား။ အားလုံးက အကျိုးအမြတ်ကိုပဲ တွက်နေကြတာကိုးးးးးး

သြော်..ငါ၏ခြေရာ ငါ့တဏှာကို
ငါသာလိုလား ငါလိုက်စား၍
အမှားတွေစုံ တောင်လိုပုံလျှက်
ဝဋ္ဋ်ဘုံသံသရာ မျောနေပါပြီ
ငါသာငါလျှင် မကယ်တင်ပဲ
ငါပင်ငါနှစ် ရေစုန်နစ်သည်
မချစ်မုန်းသူ ငါပါတကား ....

သံသရာတလျှောက်တွင် ပူဆွေး၍ကျခဲ့ရသောမျက်ရည်တို့သည် သမုဒ္ဒရာလေးစင်းရှိသော ရေတို့ထက်ပင်ပိုမိုများပြားခဲ့သည်။ အလုံးစုံသောသတ္တ၀ါတို့၏ အနိစ္စ ဒုက္ခ အနတ္တတို့သည်မမြဲပါ ...။
လူ့ဘ၀၏ပျော်ရွှင်မှု့သည် တခဏ
လူ့ဘ၀၏၀မ်းနည်းမှု့သည် တဒင်္ဂ

ရမှက်တဏှာကိလေသာကြောင့်ဖြစ်လာရသော လောဘများ၏နောက်တွင်အလိုမကျသော ဒေါသများက အစဉ်အမြဲကပ်ပါလာတတ်ပေသည်။ ဒေါသများ၏နောက်မှ မောဟအမှောင်က ဖုံးလွှမ်းလာသောအခါ မသိမှု့အ၀ိဇ္ဖာသည် သံသရာလည်နေရပေတော့မည်။ အမှားနဲ့အမှန် အဆိုးနဲ့အကောင်း အဖြစ်နဲ့အပျက် ဤသံသာရာဝဲဂယက်မှ ရုန်းထွက်ဖို့ရာလမ်းသို့ လျှောက်လှမ်းနိုင်ရန် ကြိုးစားရပေဦးမည်။ (တရားခွေမှ ကောက်နှုတ်ချက်)

ရှေ့ဆက်ရမဲ့ လှေကားထစ်တွေက အများသား.. အောင်မြင်စွာနဲ့ ကြိုးစားပြီး ကျော်ဖြတ်ချင်ပါတယ်။ ကိုယ့်ဘ၀အတွက် ကိုယ့်ချစ်တဲ့လူတွေအတွက် ဆက်ပြီး တတ်နိုင်သလောက် အကောင်းဆုံးကြိုးစားပြီး တက်သွားချင်နေတုန်းပါဘဲ။ လက်ရှိအချိန်မှာ ကျွန်မရဲ့မိသားစုသာ ကျွန်မဘ၀မှာ အရေးကြီးဆုံးပါဘဲ။ အဓိက..က ကျွန်မရဲ့အမေပေါ့. မေမေ့ကို ကျွန်မ မသေခင်ထိ တတ်နိုင်သလောက် ပြုစုချင်ပါသေးတယ်။ အမေ့ကို စိတ်ကျေနပ်လောက်တဲ့အထိ မပြုစုနိုင်သေးသရွေ့ အိမ်ထောင်ပြုဖို့ကို မစဉ်းစားသေးပါဘူး။ နေ့မြင်ညပျောက်ဆိုသလိုဘဲ ကိုယ့်ရဲ့ မနက်ဖြန်ကို မြတ်စွာဘုရားက လွဲပြီး ဘယ်သူမှ ကြိုတင်မသိရှိနိုင်ပါဘူး။ ဒီတော့ ဘယ်နေ့မှန်းမသိတဲ့ ကိုယ့်ဘ၀ရဲ့နောက်ဆုံးနေ့အတွက်၊ မလာသေးတဲ့ နေ့ရက်တွေကို ကြိုတင်တွေးပြီး မပင်ပန်းချင်တော့ပါဘူး။ နေခွင့်ရတဲ့ ရက်လေးတွေမှာ ကိုယ်ချစ်တဲ့ လူတွေအားလုံးအတွက် တတ်နိုင်သလောက်အပျော်တွေ မျှဝေချင်ပါတယ်။ တစ်ချိန်မှာ ကိုယ်လက်ထပ်ရမဲ့သူနဲ့ ချစ်ရတဲ့သူ တစ်ထပ်ထဲ ဖြစ်စေချင်ပါတယ်။ ကိုယ်လက်ထပ်ရမဲ့သူကိုတော့ "ကွာသုံးကွာ ပါသုံးပါ ချာသုံးချာ" ထဲမှာမပါစေချင်ပါဘူး။ အဲဒါတွေကတော့

တိုင်းပြည်နှင့်လူမျိုး ကွာလျှင်
အယူဘာသာ ကွာလျှင်
စိတ်ဓါတ်ချင်း ကွာလျှင်...

အနာရောဂါ ပါလာလျှင်
အကြွေး ပါလာလျှင်
လူပိုတွေ ပါလာလျှင်...

ပညာရေး ချာလျှင် (အသိဥာဏ် ဆင်ခြင်တုံတရားမြင့်မားမှု့)
စီးပွားရေး ချာလျှင် (တစ်ခုမြင့်မားရင် ကျန်တစ်ခုကအချိုးတူမြင့်)
လူမှု့ရေး ချာလျှင် (အနေထိုင်စရိုက် ဟန်ပန်တွေမှာ ပညာတတ်သူကို မမှီနိုင်ပါ)

ကိုယ်ချစ်ရတဲ့သူကိုတော့ ဒါမျိုးလေးတွေ ရှိစေချင်တယ်...

■ ရုပ်ဖြင့် ဆွဲဆောင်နိုင်ခြင်း (တည်ငြိမ်ခန့်ညားခြင်း)
■ အသံဖြင့် ဆွဲဆောင်နိုင်ခြင်း (သြဇာအာဏာရှိသောအသံ)
■ ဟန်ပန်အမူအရာဖြင့် ဆွဲဆောင်နိုင်ခြင်း (ချစ်စရာကောင်းတဲ့ အပြုအမူ)
■ အချစ်ပရိယာယ် ကြွယ်ဝခြင်း (သူ့ကို တစ်နေ့ထက်တစ်နေ့ ပိုချစ်လာအောင် သူ့ဘက်မှ စွမ်းဆောင်နိုင်ခြင်း)
■ မိသားစုတစ်ခုကို ဦးဆောင်နိုင်တဲ့ အိမ်ထောင်ဦးစီးတစ်ယောက်မှာ ရှိသင့်ရှိထိုက်တဲ့ အရည်အချင်း
■ ကိုယ့်ကို "ပဲ့ကိုင်ထိန်းချုပ်" နိုင်တဲ့အရည်အချင်း
■ ယောင်္ကျားကောင်းတယောက်မှာထားရှိရမယ့် စိတ် စည်းကမ်း အနေအထိုင်တွေ ရှိခြင်း
■လူရိုးလူကောင်းတစ်ယောက်ဖြစ်ပြီး ကိုယ်နဲ့ ဓလေ့စရိုက်ချင်း ၊ လူနေမှု့အဆင့်အတန်းချင်း ၊ အတွေးအခေါ်ချင်း ၊ ခံယူချက်ချင်း ၊ ရည်ရွယ်ချက် ၊ရည်မှန်းချက် အသွင်တှူ ပြီး ဆက်စပ်လို့ရမယ့်သူ
■ချစ်သူနှင့်တူသော၊ အစ်ကိုနှင့်တူသော၊ ဖခင်နှင့်တူသော ချစ်သူမျိုးကို လိုချင်ပါတယ် ...။
(သေချာတယ် ၁၀၀% အပျိုကြီး ဖြစ်မှာ) :-)

စိတ်ကူးယဉ်ကြည့်တာပါ... အပြောမှာလွယ်ကူသလောက် တကယ့်လက်တွေ့မှာတော့ မှန်းသလောက်ဖြစ်ဖို့ ခဲယဉ်းပါတယ်..။ လက်တွေ့အနေအထားမှာ ဆန္ဒနဲ့ဘ၀ မျှတတာရှိသလို ကွဲပြားတာလည်း ရှိတယ်မလား ...

တချို့ကတော့ အချစ်ဆိုတာ အထင်ကြီးခြင်းက စတာလို့ပြောပေမယ့်
ကျွန်မအတွက်ကတော့ ဂရုစိုက်ခံရတာ ၊ အလိုလိုက်ခံရတာ ၊ ကျွန်မကိုတန်ဖိုးထားပြီးမြတ်နိုးတာကို အချစ်လို့ခံယူပါတယ်...။

တကယ့်လက်တွေ့မှာတော့ တခြားဘာအချက်အလက်တွေမှ မလိုပါဘူး ...
ကိုယ်နဲ့ အဆင်ပြေမယ့်သူ သင့်တော်မယ့်သူ တကယ်တမ်း ကိုယ့်ကို အနွံတာခံနိုင်မယ့်သူ
ကိုယ့်ကိုအများကြီး နားလည်ပေးနိုင် ၊ တန်ဖိုးထားနိုင်တဲ့ အိမ်ထောင်ဖက်မျိုးကို မျှော်လင့်မိပါတယ်... :-(
ကျွန်မက တူညီတဲ့လမ်းကြောင်းပေါ်မှာ လျှောက်လမ်းချင်သူပါ..။

တကယ်တော့လည်း ဆုံးဖြတ်ချက် ပိုင်ပိုင်နိုင်နိုင်ချဖို့အတွက် လိုအပ်တဲ့ ယုံကြည်ချက်မပြည့်ဝသေးဘူး..။ ယုံကြည်ချက် ပြည့်ပြည့်ဝဝနဲ့ ပီပြင်ပြတ်သားတဲ့ဘ၀မျိုးနဲ့ သာယာချမ်းမြတဲ့မိသားစုကိုတည်ဆောက်ဖို့ဆိုတာ ချစ်တာတခုတည်းနဲ့မှ မပြီးတာ.. ဒါပေမယ့်လည်း ဘာမှလောဘတကြီးမျှော်လင့်ထားတာ မရှိဘူး..။

တကယ်တော့ လက်ထပ်တယ်ဆိုတာက ချစ်ခြင်းမေတ္တာအပြင် သံယောဇဉ် ၊ နားလည်မှု့ ၊ ပေးဆပ်မှု့ အများကြီး ပါပါတယ်..။ ချစ်ခြင်းမေတ္တာက လက်ထပ်ခြင်းနဲ့ အဆုံးမသတ်ဘူးဆိုရင် လူနှစ်ယောက်က အတူတူမနေဘဲ တစ်သက်လုံး ချစ်သွားလို့ ရပါတယ်..။

စကားမစပ်ပေါ့နော်.. မြန်မာစကားလုံးက အကျအနကောက်ပါတယ်..။ စာအရေးခက်တဲ့အထဲမှာ ပါပါတယ်..။ ဥပမာ အိမ်ထောင်ဦးစီး၊ အိမ်ထောင်ဖက်၊ အိမ်ဦးနတ် အဲဒီသုံးမျိုးထဲနဲ့တင် အဓိပ္ပါယ်က တော်တော် ကွာသွားပါတယ်..။ အိမ်ထောင်ဖက်ကတော့ ဆိုးတူကောင်းဖက် ဒိုးတူဘောင်ဘက်ပေါ့... အဲ..အိမ်ထောင်ကျတာနဲ့ အိမ်ထောင်ပြုတာ၊ မိသားစုဘ၀ကို တည်ဆောက်တာကလည်း ကွာပါတယ် ...။

.............♣ အားလုံးပဲ လိုအပ်နေတဲ့ဆု နဲ့ တောင့်တနေတဲ့ဆုတွေ ပြည့်စုံကြပါစေ ♣.............