" အမှန်တရားနဲ့ သည်းခံခြင်းအလှ (ယဉ်ကျေးသူ) "

ပါဠိလို ခန္တီ မြန်မာလို သည်းခံခြင်းဟာ " ဒေါသမပါပဲ တုန့်ပြန်ခြင်းပါ "။ သည်းခံခြင်းဆိုတာ အကန့်အသတ် တစ်ခုအတွင်း ၊ သည်းခံနိုင်တဲ့ အတိုင်းအတာအတွင်းမှာပဲ ရှိပါတယ်..။ အဲဒီစိုးရိမ်ရေမှတ်ကို ကျော်သွားရင် ၊ သည်းခံလို့ မရနိုင်တော့ရင် ၊ အများသူငါ သိရအောင် တုန့်ပြန်မှု တစ်ခုခု ပြန်လုပ်ရတော့မှာပါ..။ ဒေါသမပါတဲ့ တုန့်ပြန်မှုကို ပြုလုပ်ရတော့မှာပါ..။ အမှန်တရား အတွက် သက်သေပြရတော့မှာပါ..။ သည်းခံတယ်ဆိုတာရဲ့ အနှစ်သာရဟာ အမှန်တရားကို ထိပါးလာရင် ဒေါသမပါပဲ ကိုယ့်မှာရှိတဲ့ အသိအလိမ္မာ ဥာဏ်ပညာနဲ့ ယဉ်ကျေးချိုသာစွာ တုန့်ပြန်ခြင်းပါ..။

လူတစ်ယောက်နဲ့ တစ်ယောက်ရဲ့ Life Style ခြင်းကမှ မတူတာ.. ။ ဖြတ်သန်းခဲ့ရတဲ့ ဘ၀အတွေ့အကြုံ ၊ ပတ်ဝန်းကျင်အသိုင်းအ၀ိုင်း ၊ အလေ့အကျင့်တွေကြားမှာ တယောက်နဲ့တယောက်ရဲ့ စိတ်နေသဘောထားဟာ ကွဲပြားနေနိုင်ပါတယ်..။ တချို့က ကိုယ့်ဘ၀ကိုယ် သိမ်ငယ်နေတာမျိုး ၊ လူတွေနဲ့ မျက်နှာချင်းဆိုင်ဖို့ မ၀ံ့မရဲဖြစ်နေတာမျိုး ၊ တချို့ကျတော့လည်း ကိုယ့်ကိုယ်ကို အထင်ကြီး ဘ၀င်မြင့် အောက်ခြေလွတ် မာန်တတ်နေတာမျိုး ၊ ကိုယ်ပိုင်ဆုံးဖြတ်ခွင့် ကိုယ်ပိုင်ရွေးချယ်ပိုင်ခွင့် ဘာမှမရှိတော့ သူများဘာလုပ်လုပ် မကောင်းမြင်တာမျိုး ၊ negative ကနေ တွေးတယ် ကြည့်တာမျိုးပေါ့..။ But when you think negatively, convert your thoughts to a more positive view. The power of positive thinking can change and improve your life. In the face of adversity, a positive outlook gives human the strength to fight. Let's have optimistic view ! Blind optimism is self-deception.


လောကကြီးဟာ အရာအားလုံးကို ကွက်တိဖြစ်အောင် ဖန်ဆင်းပေးထားတာပါ...။ ဘယ်အရာမဆို ယှဉ်ပြိုင်မှု့တွေ ၊ ခက်ထန်မှု့တွေ ၊ တိုက်ခိုက်မှု့တွေရှိပေမယ့် ကိုယ့်နေရာမှာကိုယ်နေပြီး ကိုယ့်လမ်းကိုယ်လျှောက် ကိုယ့်အလုပ်ကိုလုပ်နေသော်လည်း ဘလိုင်းကြီး ၀င်ဖောင်းတဲ့လူမျိုးတွေ ရှိနေနိုင်ပါတယ်..။ သူတို့ကတော့ အမြင်မကြည်လင်တဲ့အတွက် ဘယ်သူတွေ ဘာလုပ်လုပ် အကောင်းမြင်မှာမဟုတ်ပါဘူး..။ အသေးအဖွဲကအစ အရေးတယူနဲ့ဂရုစိုက်ပြီး ကိုယ့်ကိုလိုက်ကြည့်နေရှာတာပဲလို့ တွေးလိုက်ပါ..။ သူမှားရင် သနားလိုက်ပါ..။ ခွင့်လွှတ်လိုက်ပါ..။ သည်းခံနားလည်ပေးလိုက်ပါ..။ အမှန်တရားနဲ့ သည်းခံတယ်ဆိုတာ အရှုံးပေးတာ ၊ ငုံ့ခံတာ မဟုတ်ပါဘူး ဒါကြောင့် သည်းခံလိုက်ပါ..။



စိတ်အမျိုးမျိုး ၊ ပုံသဏ္ဍာန်အထွေထွေ ၊ ကွဲပြားတဲ့စရိုက်ရှိတဲ့ လူမျိုးစုံနဲ့ တွေ့ထိဆက်ဆံနေကြရတဲ့အခါ သူတစ်ပါးကြောင့် မိမိရဲ့စိတ်ကို ထိရှမိစေတာတွေ ၊ မိမိစိတ်နဲ့ အခန့်မသင့်တာတွေ ၊ ကသိကအောင့် ဖြစ်စေတာတွေနဲ့ ကြုံတွေ့လာနိုင်ပါတယ်..။ ဘယ်သူမှတော့ မရိုင်းချင်ကြပါဘူး ဒါပေမဲ့ စော်ကားတာကိုလည်း ခံနေမှာမဟုတ်တဲ့ ပုထုဇဉ်ဖြစ်တဲ့အတွက် အားလုံးကို ရေရှည်သည်းခံဖို့ဆိုတာ လူတိုင်းလုပ်နိုင်တဲ့အရာတော့ မဟုတ်ပါဘူး..။ အခြေအနေ အချိန်အခါ နေရာဒေသကိုလည်း ကြည့်ပါ..။ တချို့ကျတော့ သည်းခံခြင်းရဲ့ နောက်မှာ ခွင့်လွှတ်ခြင်းက ကပ်ပါလာတတ်ကြတယ်..။ ဖြစ်လာတဲ့အရာတခုအပေါ်မှာ စိတ်ကို သိပ်ပြီးမခံစားရအောင် နေတာမျိုးလည်း ဖြစ်နိုင်တယ်..။ စိတ်ထဲမှာ ဘာမှတေးမှတ် မထားဘူး..။ အတတ်နိုင်ဆုံး သည်းအခံနိုင်ဆုံး အတိုင်းအတာတခုအထိ ၊ အကောင်းနိုင်ဆုံး အတိုင်းအတာတခုအထိ နေကြတယ်..။ ခွင့်လွှတ်သည်းခံခြင်းကတော့ အကောင်းဆုံး အနိုင်ယူခြင်းပါပဲ..။

တချို့ကျတော့လည်း ဒေါသကြောင့် ချက်ချင်း အငြင်းပွားမယ် ၊ ခွန်းတုန့်ကြီးငယ် ပြောမယ် ၊ အဆုံးစွန်ရောက်လာရင်တော့ နှုတ်ဆက်ကျောခိုင်း ကြတယ်..။ အဲဒီလိုအချိန်မှာ မိမိကြောင့်ရော… တစ်ဖက်သူမှာ ခံစားသွားတာ ထိခိုက်သွားတာမျိုးတွေ ရမသွားနိုင်ဘူးလားလို့တော့ တွေးမိကြတာ နည်းကြမယ်..။ ပုထုဇဉ်ပီပီ ကိုယ့်ဘက်ကတော့ ကိုယ်အမှန်လို့ ထင်နေကြတာများကြတယ်..။ တကယ့်အခြေအနေမှာ ကိုယ်သာအမှန်ဆိုပြီး စာနာစိတ်တွေ ကင်းမဲ့နေတတ်ကြတယ်..။ အဲ့ဒီအခါမှာ လူတွေရဲ့ အတွင်းစိတ်လေးထဲမှာ ယဉ်ကျေးဖွယ်ရာ မရှိတော့ပဲ ၊ စာနာစိတ် မထားနိုင်တော့ပဲ အနိုင်ရယူလိုစိတ်နဲ့ တစ်ဘက်လူကို စွဲချက်တွေ ဒရဇပ် တင်မိတတ်ကြတယ်..။ အရှက်နဲ့သိက္ခာ ၊ လူယဉ်ကျေးနဲ့ ခွင့်လွှတ်ခြင်းဆိုတာ တွဲနေသလိုပါပဲ..။


ဘာပဲဖြစ်ဖြစ် ချစ်သူမုန်းသူမခွဲခြားပဲ အားလုံးကိုခွင့်လွှတ်နိုင်ဖို့ပဲ ကြိုးစားပါ..။ အဲဒါမှမရဘူးဆိုရင်တော့ လျစ်လျူရှု (စိတ်ထဲကထုတ်ပစ်) ဖို့ပဲလိုတာပေါ့..။ အရေးမပါတာတွေကိုတော့ ခွင့်လွှတ်တာလဲမဟုတ် သည်းခံတာလည်းမဟုတ်ပဲ သူတိုက်ခိုက်လေ ကိုယ်တန်ဖိုးမြင့်လေလို့ သဘောထားပြီး လျစ်လျူရှုခြင်းကိုပဲ သုံးလိုက်ပါ..။ အလိမ်အညာ အခရာအပလီပုံစံ သည်းခံသလိုနဲ့ တစ်ချိန်ချိန်မှာ ဂလဲ့စားချေမယ်ဆိုတဲ့စိတ်မျိုး ၊ ကိုယ့်ဂွင်ရောက်ရင် ပြန်ဆော်မှာပေါ့ ဆိုတဲ့စိတ်မျိုးလည်း မမွေးပါနဲ့ မလုပ်ပါနဲ့..။ ရန်လိုတော့ရန်ပိုတယ် ရန်မလိုတော့ ရန်ပြိုတာပေါ့..။

.........♣ “ ယဉ်ကျေးတဲ့လူ ဒေါသကိုနိုင်တဲ့သူဖြစ်အောင် ကြိုးစားနိုင်ကြပါစေ” ♣..........