♣ တစ်ဦးတည်းသာ ရှိခဲ့တယ် ♣

မိန်းကလေးနဲ့ ယောင်္ကျားလေးတွေကြားက စံလွဲမှု့လေးကို ဖွင့်ဟပြထားတဲ့ အကြောင်းအရာလေးက ဖေ့ဘွတ်ကနေရတာပါ.. စာရေးသူ ပြောချင်တဲ့ အဓိက point ကို ကောက်နုတ်ပြီး ခပ်ဆင်ဆင် ပြန်လည်စုစည်း ရေးဖွဲ့ထားတာပါ...။

✿ မိန်းကလေးတစ်ယောက် အိမ်ထောင်ပြုဖို့အတွက် အလိုအပ်ဆုံးအရာက သူ့ကို ချစ်မြတ်နိုးတယ်ဆိုတဲ့ စကားတစ်ခွန်းပါပဲ ...။

✿ မိန်းခလေးတစ်ယောက်ဟာ ယောက်ျားတစ်ယောက်ရဲ့ ချစ်မြတ်နိုးခြင်း ခံရတယ်လို့ စိတ်ထဲမှာ သူ့ကိုယ်သူ စိတ်ချယုံကြည်နေမှ သူမဟာ ပျော်ရွှင်ပြီး အောင်မြင်တဲ့ မိန်းမတစ်ယောက် ဖြစ်မှာဆိုတာကို ယောင်္ကျားလေးတွေက နားလည်ထားဖို့ လိုပါတယ်..။ အဲလိုနားမလည်သရွေ့တော့ သူငယ်ချင်း မိတ်ဆွေတွေပဲ ဖြစ်နေမှာပါ ...။

✿ မိန်းခလေးတွေက သူတို့ကို တန်ဖိုးရှိတဲ့ မိန်းကလေးတစ်ယောက်အဖြစ် မက်မောပြီး မချစ်ပဲလက်ထပ်တာမျိုးကို လက်မခံနိုင်တတ်ကြပါဘူး...။ < ကိုယ့်အနာဂတ်တစ်ခုလုံးကို သူ့လက်ထဲ ပုံထည့်ရမှာ ဖြစ်လို့ပါ >

✿ မိန်းမတိုင်းကတော့ သ၀န်တိုတတ်တဲ့အမျိုးပါပဲ...။ ဒါပေမယ့် ယောင်္ကျားလေး မြုံစိစိနဲ့ ပွင့်ပွင့်လင်းလင်းမရှိတာမျိုးကိုလည်း မနှစ်သက်လှပါဘူး ...။

✿ မိန်းခလေးတွေက ပစ္စည်းဥစ္စာတွေ ၊ ပညာရေး level တွေက မလိုပါဘူး ဆိုတာမျိုး... သူတို့ကို ပေါ့ပေါ့လေး မချစ်ဖို့နဲ့ သစ္စာရှိဖို့သာ အဓိကဆိုတာမျိုး...။ အဲဒီအချက်က ပထမဦးဆုံး အချစ်အတွက်ပဲ ဖြစ်ချင်ဖြစ်နေပါလိမ့်မယ် ..။ လမ်းခွဲခံရဖူးတဲ့ မိန်းခလေးခံစားချက်ကတော့ တစ်မျိုးဖြစ်နေနိုင်ပါတယ်...။ ပထမဦးဆုံးချစ်ရမယ့် အချစ်ကို ခုချိန်ထိမတွေ့ဖူးသေးတဲ့ မိန်းခလေးကတော့ အဲဒီအချက်တွေနဲ့ပဲ ရွေးချယ်လိမ့်မယ် ထင်ပါတယ်...။

✿ အချစ်နဲ့ အိမ်ထောင်ရေးက တကယ့်လက်တွေ့ဘ၀မှာ ရွေးချယ်ဖို့ ခက်ပါတယ်.. ငယ်ငယ်က ဇွတ်တိုးရင် ပြီးပေမယ့် ၊ ကြီးလာတော့ အကုန်ပါလာပြီး အကုန်ရှုပ်လာပါတယ်...။

အချစ်က
ရိုးရှင်းလေ ပျော်ရွှင်လေဖြစ်တယ်...
တစ်သက်မှာ
တစ်ယောက်တည်းချစ်တာက အကောင်းဆုံးဖြစ်တယ်...
ချစ်တာများပြီး
ခံစားချက် အတွေ့အကြုံများရင် ထုံကျင်သွားတတ်တယ် ...
လမ်းခွဲကြိမ်များရင်
ကျင့်သားရသွားတတ်တယ်...
ချစ်တာများရင်
နှိုင်းယှဉ်မှု့တွေ များသွားတတ်တယ်
နောက်ဆုံးမှာ
အချစ်ကို အယုံအကြည်မဲ့သွားတတ်တယ်....

..........♣ အချစ်နဲ့ လောကကြီးကို ကိုယ့်စိတ်တိုင်းကျ တည်ဆောက်လိုက်ချင်တယ် ♣...........

♠ စွမ်းအားရှင် (မမြင်ရတဲ့ သံယောဇဉ်) ♠

♣ အာရုဏ်ဦး မိုးဦးသောက်လို့  အလင်းရောက်ပြီဆိုရင်
အရင်ဆုံး သတိရမိတာ မင်းပါ ....။

♣ ဝေးတနေရာမှ တွေးဆကာ ပူနေရသူအဖို့ 
အမြဲပင် မြင်ချင်ကြားချင်ပေါ့
သူ့ ရုပ်သွင်နဲ့ သူ့သံစဉ် ........။

♣ စွမ်းအားရှင် ထိပ်ခေါင်တင် အလား
သြချရလောက်အောင်ကိုပင် ထူးခြား
အလွမ်းတွေကိုစာဖွဲ့ 
စိတ်ကူး အိပ်မက်တွေနဲ့  ရူးခဲ့တဲ့ငါ .......။

♣ အလည်လွန်မိတဲ့ နှလုံးသားကို
မင်းမနှင်ခင် လှည့် ပြန်စေချင်ပါရဲ့
ဒါပေမဲ့လည်း . . .

♣ ရူးသာရူးလိုက်ချင်ပါရဲ့
တမူးသာသူ ဦးစွာအဖြေပေးကြပါ
သူနဲ့ ဝေးရာ ဆွေးကမ္ဘာမှာ
ဖြေဆေးမရှိတဲ့ သောကအလွမ်းတွေနဲ့
ရင်နာရမဲ့အလုပ်မျိုး ငါမလုပ်ချင်ဘူး ....။

♣ အချစ်မရှိတဲ့အလွမ်းမြေမှာ
ဘယ်လိုသတ္တိမျိုးနဲ့ မှ
ငါ ... ... ...
မေ့ဖို့မကြိုးစားခဲ့ဘူး .. ... ..

♣ အို...
“ကန့်လန့်ကာကြီးရယ်နေပါဦး ကလို့ကောင်းနေတုန်း
ရွာသားကြီးရယ်တီးပါဦး ဆိုလို့ကောင်းနေတုန်း
နေမင်းကြီးရယ် နေပါအုန်း ကိုယ်တစ်ဦးတည်းအတွက် ရွေးပြီးလင်းတဲ့ကြယ်လေးရှိနေတုန်း”

p.s
**********************************************
အသက်ကြီးရင် အချစ်အကြောင်း မပြောရဘူးလို့ ဘူပြောလဲ
မိန်းကလေး ထမင်းချက်ရမယ်လို့ ဘယ်သူပြောသလဲ ခက်တာဘဲ ...
**********************************************

.........♣ နွေးထွေးရွှင်လန်းပါစေ ♣.........

♠ မချစ် မမုန်း အကောင်းဆုံး ♠

♣“ ရတာ မလို လိုတာ မရ ”
“ ရလေ လိုလေ အိုတစ္ဆေ”
ချစ်ခြင်း မုန်းခြင်း မရှိသောသူတို့အား အနှောင်အဖွဲ့တို့သည် မရှိကြကုန် ...။

♣　ချစ်လိုက်ကြ မုန်းလိုက်ကြ
ရယ်လိုက်ကြ ငိုလိုက်ကြ
ဆော်လိုက်ကြ အော်လိုက်ကြ
ပူလိုက်ကြ အူလိုက်ကြ
ဲမြူးလိုက်ကြ ငေါင်လိုက်ကြ
အခုတမျိုး တော်ကြာတမျိုး
တစ်မျိုးပြီး တစ်မျိုး
မရိုးရအောင် ပြောင်းနေကြတဲ့ ဗလောင်းဗလဲ
လူ့စိတ်တွေ အထွေထွေမို့ 
ဘဝင်မချိပေမင့် သကာချို မျက်နှာလုပ်
တမာဆို အဖတ်တောင်မလုပ်
တစ်ခေတ်တစ်ခါ ဆန်းလှပါတဲ့
ခေတ်သစ်လောက အကြောင်းဇာတ်လမ်းစုံပါ့ .....။

♣ ဟိုစပ်စပ် ဒီစပ်စပ် ယောင် ၆၀
ဟိုနေရာသွား ဒီနေရာသွား
ကိုယ်မသိသေးတဲ့ အကြောင်းအရာတစ်ချို့ပြောနေသံတွေကြား
ဘာကို ဘယ်လို ရှိမှန်းမသိ ၊ ဘာလုပ်လို့  ဘာကိုရွေးရမှန်းမသိ
ဒါတွေက ဒီလို ရှိတယ် ၊ ဟိုဟာတွေက ဟိုလိုရှိတယ်
ထူးခြားအံ့သြဘွယ်အဖြစ်တွေကလည်း များသား .....။

♣ ရံဖန်ရံခါ ဂျလန်း ဂျလန်း
အခါမဲ့ရွာလိုက်တဲ့မိုး
အကောင်းကို မနေရ
အဟောင်းတွေ ဆွလို့ထုတ်ကာပြ
မိုးကြိုးပစ်မယ် သတိထား
ဝဋ်လိုက်တတ်တယ် သတိထား .......။

♣ တွေးစရာတွေ များလို့  ဦးနှောက်က ဇကာပေါက်လိုပါပဲ
တောင်မရောက် မြောက်မရောက် အတွေးတွေ
တောင်စဉ်ရေမရ ဟိုတွေး ဒီတွေးနဲ့ 
ဂယောက်ဂယက် တွေဖြစ်
သိစိတ် နှင့် မသိစိတ်
ညှာလိုစိတ် နှင့် ညာလိ်ုစိတ်တို့  လွန်ဆွဲလို့နေကြပေပြီ
ဘယ်ဘက်တိမ်းလို့  ယိမ်းရပါမလည်း

♣ အသာစံသူတွေရဲ့ လိမ်ညာမှု့ကြီးကိုသိရဲ့နဲ့
အညာခံလိုသူတွေ လည်စင်းခံပြီး အလိမ်အညာခံခဲ့ကြတယ်
မိုးရွာရင် မြေကြီးရေစိုတာမှန်ပေမယ့် မြေကြီးရေစိုတိုင်း မိုးရွာတာမဟုတ်ဘူးလေ
စာဖတ်တတ်အောင် သင်တာ သူများလှိမ့်သမျှ ဖိန့်သမျှတွေ နားလည်ဖို့တဲ့လား
အင်းလေ ဒိထက်ပိုဝေးလည်း ဒိထက်ပိုမဝေးတော့ပါဘူး
ဟုတ်ကဲ့ နည်းနည်းပြောပြီး များများနားထောင်ပါတော့မယ်
တကယ်လုပ်နေကြသူတွေ များများပြောဖို့  အချိန်မရှိကြဘူး ....။

♣ ငါသည် စစ်မှန်သော ချစ်ခြင်းဖြင့် မြတ်နိုးပါ၏
ငါ၏ချစ်ခြင်း တည်မြဲပါ၏
စာပေကိုချစ်တယ် အမှန်တရားကိုချစ်တယ် ကလေးတွေကိုချစ်တယ်
အားလုံးထက်ပိုပြီး တို့တိုင်းပြည်ကို ချစ်တယ်

♣ သေချာစဉ်းစားကြည့်ရင်
မှန်သလို မှားသလိုနဲ့  တွေတွေ ဝေဝေ ဖြစ်မိတယ် ....။
အရောင်တွေ အရောင်တွေ မျိုးစုံ
လူတွေကလည်း အမျိုးမျိုး အဖုံဖုံ
အဖြူ အမဲ ၊ အပု အရှည် ၊ အပိန် အဝ ၊ အဖြောင့် အကောက်
ပုံသဏ္ဍန်တွေ အမျိုးမျိုး ၊ စိတ်ဓါတ်တွေလည်း အမျိုးမျိုး
လူအမျိုးမျိုး စိတ်အထွေထွေ
စိတ်သေးသိမ်ညံ့ဖျင်း ၊ စိတ်ကောင်း နှလုံးကောင်း ၊ စိတ်ဖြောင့် စိတ်ကောက် ၊
စိတ်အေး စိတ်ပူ ၊ စိတ်ကြွ စိတ်ကျ ၊ စိတ်ခိုင် စိတ်ပျော့ စုံလို့ပါဘဲလား .....။

♣ သြော်... လူ့ဘောင်ကြီးထဲမှာ
တစ်ဦးတည်း တစ်ယောက်တည်းလည်း နေထိုင်လို့မရပြန်ဘူး
လူတစ်ယောက်နဲ့ တစ်ယောက် ဆက်ဆံရေးက အရေးကြီးလှပါတယ်...။

လူတွေထဲက လူတွေအကြောင်း ထင်သလို မြင်သလို အပြုသဘောနဲ့ ကြည့် တွေး ရေး တဲ့ အမြင်တစေ့တစောင်းလေးပါ ...။ မမြင်မိတဲ့ ရှုဒေါင့်တွေ လစ်ဟာချက်တွေလည်း ရှိပါသေးတယ်....။

you ကကော လောကကြီးကို ခါးစောင်းတင်တဲ့ လူစားမျိုးလား ?

ချစ်တတ်လို့ မုန်းတတ်ကြတာ မချစ်တတ်ရင်ရော... အမုန်းဆိုတာ ရှိအုန်းမှာလား ....
အချစ်ကြီးလို့ အမျက်ကြီးတယ်လို့တော့ ဆင်ခြေပေး မပြောနဲ့
မချစ်မမုန်း အကောင်းဆုံး ပါဘဲ....။

စိတ်ထွေနေလို့ ဟိုတွေးဒီတွေး ၊ ဟိုရေး ဒီရေး ၊ ဟိုခြစ် ဒီခြစ် :-)